Përfaqësues i Partisë së Emigracionit Shqiptar, Hazbi Kasaj shprehet se hapja e shtëpive publike dhe legalizimi i hashashit për banorët e Këlcyrës, janë dy prej pikave kryesore të programit të tij elektoral për zgjedhjet vendore të 30 qershorit.
Në një intervistë për Report TV, Kasaj kërkon ta zhvillojë ekonominë e vendit përmes kultivimit të hashashit ndërsa për argëtimin e rinisë, çeljen e shtëpive publike. Për të parën mendon të organizojë një referendum pasi në këtë mënyrë zhvillohet edhe ekonomia vendase.
“Afati i të pavarurit kishte kaluar. Para pak ditësh unë thash sloganin tim: “Puno pak, ha shumë dhe bëj qejf “. Nëse do bëhem kryebashkiak të jeni të bindur dhe rinia e Tepelenës, Gjirokastër dhe Përmetit do të banojnë këtu.. Do të ikin vetëm një muaj në vit për turist nëpër botë. Greqi , Francë e Angli. Ata do kenë bollëkun do kenë paranë. Pak Punë dhe shumë qejf. Qejfi është i shumëllojshëm. Dikush do shpinë publike, dikush do argëtimin, dikush boksin. Bashkia Këlcyrë me kryetar mua do ti ketë të programuara këto. do hapim shpia publike do legalizohet hashashi me referendum . Unë jam me 1000% i sigurtë që kryeministri do të na lejojë ta hapim shpi publike dhe të legalizojmë hashashin, të furnizojmë botën me hashash“, deklaroi Kasaj.
