Do të jetë një betejë e fortë në 3 javët e fundit të Premier League për të mësuar se cilat do të jenë skuadrat që do të përfshihen në Kupat e Evropës.
Leicester City i mohoi 3 pikët Arsenalit, me Jamie Vardy që iu përgjigj pak minuta nga fundi golit të Aubameyang.
“Dhelprat” ruajnë vendin e katërt në renditje, ndërsa “Topçinjtë” mbajnë vendin e 7 dhe të fundit që siguron një biletë në Europa League, por ndiejnë pranë kërcënimin e Tottenham.
Chelsea arriti një fitore tepër të rëndësishme në transfertën e Crystal Palace. Bluve të Londrës iu nevojitën 3 gola për të mposhtur 3-2 vendasit, e tashmë e shohin veten në vendin e tretë me vetëm 1 pikë më shumë se Leicester, shkruan “A2”.
