Policia ka arrestuar ditën e sotme Inez Hajrulla, i njohur në Vlorë si ‘Ini i Çones’, i shpallur në kërkim më herët këtë vit, për plagosjen e një personi.
Në ngjarjen e ndodhur në Lungomare më datë 10 maj të këtij viti, i arrestuari u përfshi në një konflikt me armë zjarri nga i cili mbeti i plagosur edhe një person 63-vjeçar.
I moshuari Dejko Cenodemaj ishte klient në një lokal tjetër, vetëm 70 m larg lokalit ku ndodhi përplasja.
Disa persona të paidentifikuar kanë hapur zjarr me armë në drejtim të lokalit ku ndodhej shtetasi I.H, i cili është kundërpërgjigjur po me armë zjarri në drejtim të makinës, ku ndodheshin personat në fjalë.
Ndaj këtij shtetasi rëndojnë akuzat: “Mbajtje pa leje e armëve luftarake dhe municioneve” dhe “Vrasje kundër dy ose më shumë personave” e mbetur në tentativë.
Gjykata i ka caktuar shtetasit I. H, masën e sigurisë “Arrest me burg”.
