Kryeministri i Luksemburgut Xavier Bettel, ndodhet në spital në gjendje të rëndë, 1 javë pasi u infektua me Covid-19. Lajmi u bë i ditur përmes një deklarate nga zëdhënësi i tij, shkruan CNN.
Kryeministri rezutoi pozitiv pak më shumë se një javë më parë, në 27 qershor pas një samiti të Bashkimit Evropian dhe u shtrua në spital të dielën për të kryer teste dhe analiza shtesë.
Bettel mori dozën e tij të parë të vaksinës AstraZeneca më 6 maj dhe kishte për të marrë dozën e tij të dytë brenda dy ditësh.
“Gjendja aktuale mjekësore e kryeministrit konsiderohet e rëndë, por e qëndrueshme. Kështu, stafi mjekësor përreth kryeministrit vendosi që shtrimi në spital është aktualisht i nevojshëm në mënyrë që të jetë në gjendje të vazhdojë vëzhgimin, kjo për një kohëzgjatje të vlerësuar prej 2-4 ditësh”, thuhet në deklaratën e qeverisë.
Bettel do të vazhdojë të jetë në krye të vendimeve të qeverisë ndërsa është në spital, por Ministri i Financave o të jetë përgjegjës për nënshkrimin e dokumenteve zyrtare në mungesë të 48-vjeçarit.
