Preç Zogaj ka akuzuar se komisionerë të Partisë Demokratike janë të përfshirë në shit-blerjen e votave.
I ftuar në emisionin “Debati”, ish-deputeti tha se edhe vetë komisionerë të PD-së kanë ndihmuar në blerjen e votës, madje shtoi se ka fakte dhe emra konkretë:
“Marrëveshja Rama-Basha ka dështuar për shitblerjen e votës dhe për dhunën. Komisionerë të blerë që mund të jenë dhe të opozitës apo dhe të Partisë Demokratike, kanë ndihmuar në blerjen e votës apo dhe te sekuestrimi i kartave.
Ben Blushi me zbulimet e veta po akuzon Partinë Socialiste dhe komisionerë të opozitës, pasi janë kompromentuar. Pa dyshim Edi Rama dhe Ilir Meta që kanë lejuar blerjen e votës kanë përgjegjësi të madhe. Unë në çdo komision që do të ngrihet do t’i jap me emra dhe do të provoj që janë blerë votat”, tha Zogaj.
