Ish-presidenti Bujar Nishani, sikundër shumë personazhe mediatikë, kanë rënë në rrjetën e thashethemeve. Komentet nuk kanë qenë gjithmonë pozitive. Ai është përballur edhe me lajme të rreme, për të cilat kujton edhe raste specifike.
I ftuar në emisionin e mëngjesit “Kafein”, Nishani ka treguar se gjatë gjithë jetës së tij politike, kanë raportuar dy-tre herë se ai është ndarë nga jeta. Kjo ka shkaktuar një tronditje mjaft të madhe te familja e tij.
“Unë kam një përvojë të gjatë në politikë, si deputet, ministër dhe si president. Më kanë bërë dy apo tre herë të vdekur. Natyrisht, familja ka pësuar gjendjen psikologjike të momentit, por je i detyruar të përballesh.
Unë kam një filozofi, që nëse hedh një grusht me baltë nuk ngjitet, sepse rrëshqet. Nëse e hedh në një shkëmb, në gropa-gropa, ajo ngrin në cepat e këtij guri.
Pra, do ketë gjithmonë gjëra të kësaj natyre. Por e rëndësishme është që të ruhet mundësia e komunikimit me publikun. Mediat sociale dhe shtimi i mediave online, bën që sot të ç’bësh monopolin e shpifjeve”, tha ai.
