Një polic i burgjeve do duhet që të përballet me drejtësinë, pasi kishte furnizuar makinën e tij me kartën e punës. Abuzimi ka shkuar deri aty sa ka furnizuar me karburant edhe makinën e të afërmve.
Shërbimi i Kontrollit të Brendshëm të Burgjeve, arrestoi një punonjës të forcave operacionale, me akuzën e vjedhjes së kryer duke “shpërdoruar detyrën”.
Nga hetimet e ShKBB ka rezultuar se polici me inicialet B.B., ka përdorur kartën e furnizimit të karburantit të makinës së punës, për furnizimin e makinës së tij private dhe të të afërmve të tij.
