Ministri i Brendshëm, Sandër Lleshaj, pasi mori pjesë në ceremoninë e prezantimit të Forcave “Shqiponja” në Vlorë, deklaroi se nuk do të jetë më ministër i qeverisë Rama, në rast se ky i fundit merr një mandat të tretë.
Ai ka thënë shkurt dhe qartë, se asnjë post nuk është i përjetshëm. Në këtë mënyrë, Lleshaj konfirmon ndryshimet në qeveri, duke deklaruar nga Vlora se s’do jetë më ministër.
“Posti im s’do jetë i përjetshëm. Nuk do jem i përhershëm në qeveri, është e sigurt se s’do të jem më ministër.
Asnjë nuk është i përhershëm në një post”, është shprehur Lleshaj, në një prononcim për gazetarët.
Më herët, edhe ministrja e Arsimit, Besa Shahini, ka deklaruar se nuk do të jetë më në politikë dhe do të largohet nga Shqipëria.
