U bë një kohë e gjatë që në mediat rozë përflitet se spektakli “Portokalli”, që mban logon e Top Channel që prej krijimit, do të zhvendoset në një televizion tjetër.
Aktori i humorit Florjan Binaj, i ftuar në “Pushime On Top”, i ka hedhur poshtë këto zëra, duke konfirmuar se ai do të vazhdojë të jetë pjesë e kastit të aktorëve të spektaklit të humorit, edhe në sezonin e ri që pritet të nisë në tetor në Top Channel.
“Unë po punoj për personazhet që kam dhe personazhet e rinj. Tetori do të jetë një sezon gallatë, ku streset do shfryhen mjaftueshëm me “Portokalli”-në, dhe ne mezi presim të jemi në ekran”, ka thënë ai.
