Portieri Andrea Hoxha është infektuar me koronavirus. Nëpërmjet profilit të tij në “Instagram”, portieri kuqezi njofton se është pozitiv me koronavirus, por gjendja e tij shëndetësore është shumë e mirë.
Ai thotë se ka simptoma të lehta, po kështu ka respektuar masat për të ndihmuar në mospërhapjen e infeksionit.
“Përshëndetje! Të dielën e kaluar kam bërë testin për COVID-19 dhe kam rezultuar pozitiv. Për momentin jam shumë mirë, dhe simptomat nuk më bëjnë asgjë hiç. Në bashkëpunim me ekipin e futbollit, ekipin shëndetësor dhe menaxherin tim, po ndjekim të gjitha rregullat, në mënyrë që të mos përhapet virusi. Rrini të qetë dhe shëndoshë. I juaji Andrea Hoxha”, shkruan portieri.
