Teksa në ditët e ardhshme pritet të rifillojë dialogu me Serbinë, një deklaratë e fortë vjen nga Kosova. Shefi i grupit parlamentar të Aleancës për Ardhmërinë e Kosovës (AAK), Besnik Tahiri deklaroi se Kosova nuk i merr dot pa luftë pa luftë, Preshevën, Medvegjën e Bujanocin.
Deklaratae Tahirit u bë në emisionin ”Rubrikon”’ në Klan Kosova. Tahiri është shprehur ashpër kundër idesë së shkëmbimit të territoreve midis Kosovës dhe Serbisë.
Besnik Tahiri: “Shkëmbimi territorial, është gabimi më fundamental që i bëhet kombit shqiptar, dhe këtij shteti. Kjo është Kosova. Kjo punë me negociata nuk bëhet. Kjo bëhet me luftë. Pa luftë, Preshevën, Medvegjën e Bujanocin nuk e merr Kosova. S’ka nevojë me u përgjigj ndaj kërkesave të Serbisë. S’mund t’i marrësh shqiptarët e Preshevës pa luftë”.
