Ish-anëtari i Këshillit Kombëtar të PD-së, Edvin Kulluri, do të kandidojë për kryetar të Partisë Demokratike. Ai shprehet se e ka ndërmarrë këtë vendim, pasi me mijëra demokratë kërkojnë reformimin e PD-së, bashkimin e saj dhe mbi të gjitha ringritjen e saj si një parti e djathtë, e ndryshme nga ajo e viteve të fundit.
Përjashtimi i ish-kryeministrit Sali Berisha nga grupi parlamentar i PD-së, me vendim të Lulzim Bashës, ka shkaktuar mjaft përplasje brenda partisë. Tre ditë më parë, ish-kryeministri Berisha shpalli zyrtarisht kandidaturën për kryetar të Partisë Demokratike. Lajmin e bëri të ditur nga Kavaja, në takimin e Foltores së tij me demokratët. Berisha u bëri thirrje demokratëve që të mbledhin firmat për mbajtjen e Kuvendit Kombëtar të PD-së, dhe deklaroi se një nga kandidatët në garë për kryetar të partisë do të jetë edhe vetë ai.
Njoftimi
Te dashur miq dhe vecanerisht anetare te Partise Demokratike dhe delegate te Kuvendit Kombetar!
Pas shume vitesh aktivitet politik dhe qendrimesh qe kam mbajtur sidomos gjate kesaj krize te rende 4 vjeçare, vendosa qe te kandidoj per Kryetar i PDSH ne zgjedhjet e ardhshme qe do te mbahen!
I bindur se kam patur te drejte per situaten e krijuar pas humbjeve dhe deshtimeve te njepasnjeshme, dhe po ashtu me besimin se Kuvendi Kombetar do ta fuse PD ne rrugen e rimekembjes si alternativa me e mire politike, mora kete vendim te rendesishem!
Me mijera demokrate kerkojne reformimin e PD, bashkimin e saj dhe mbi te gjitha ringritjen e saj si nje parti e djathte qartesisht e ndryshme nga ajo e viteve te fundit!
Qendrimet e palekundura qe kam mbajtur mbeshtetur ne keto parime, me bejne te besoj se jane te shumte demokratet dhe qytetaret qe kerkojne perfaqesim te metejshem ne garen per kreun e PD! Politika eshte “lufte” dhe jo “nje beteje”, ndaj vendimi i shumices se delegateve te PD per te mbledhur Kuvendin meriton jo vetem respektin e cdo anetari por edhe kontribut te kujtdo per te qene pjese aktive e vendimarrjes dhe garave qe do te prodhoje ky eveniment madhor!
Ide dhe vlera pa perfaqesim nuk ka dhe nuk mund te kete! Ndaj e kam mbeshtetur thirrjen e organit me te larte vendimarres te Partise Demokratike dhe besoj thellesisht se me kandidimin tim i shtoj perfaqesim shume delegateve dhe anetareve te PD qe kane patur te njejtat qendrime me te miat dhe kolegeve te tjere gjate 4 viteve te fundit!
Ashtu sic ky akt eshte rrjedhoje e te pakten 18 viteve te fundit aktivitet timin politik ne PD!
Duke ju falenderuar per mbeshtetjen qe kam patur ne vite nga shume prej jush, ju ftoj te ndiqni kete sfide per te cilen jam menduar gjate me besimin se kam marre nje vendim te drejte dhe te duhur!
Nje PD qe lufton per te drejtat themelore politike dhe ekonomike te individit, autonomine lokale si vlere e patjetersueshme e komuniteteve, familjen natyrore dhe vendos Shqiperine mbi interesa te tjera eshte e vetmja PD per te cilen ja vlen te luftoj dhe perpiqem!
Per nje PD te vertete dhe fituese perballe kundershtareve tane por mbi te gjitha si alternativa me e mire qeverise per Shqiptaret dhe miqte e Shqiperise!
