Policia e Shtetit ka ndërmarrë masa për festat e fundvitit; duke ushtruar kontrolle në terren për parandalimin e shpërndarjes së lëndëve piroteknike.
Sipas njoftimit të policisë, 200 kapsolla dhe 95 fishekzjarrë me fuqi të lartë shpërthyese janë sekuestruar në Tiranë dhe Vlorë.
Ndër të tjera, uniformat blu u bëjnë thirrje tregtarëve të shumicës dhe pakicës që të respektojnë kriteret e përcaktuara, pasi në të kundër do të përballen me ligjin.
https://www.facebook.com/1502420603377639/videos/2759434444170900/?t=1
Informacioni i policisë:
Sekuestrohen në Tiranë dhe Vlorë, 200 kapsolla dhe 95 fishekzjarrë
Strukturat e Policisë në të gjithë vendin, në bashkëpunim të ngushte me zjarrfikësit, gjatë ditës së sotme kanë ushtruar kontrolle në subjekte “Për mënyrën, kushtet dhe kriteret e magazinimit e përdorimit të lëndëve piroteknike e fishekzjarrëve” dhe si rezultat:
Janë kontrolluar gjithsej 447 subjekte (dyqane të ndryshme, markete apo supermarkete), si dhe tregje të shumicës, ku janë konstatuar mallra fishekzjarrë apo lëndë piroteknike.Ø
Nga Drejtoria Vendore e Policisë Tiranë janë sekuestruar 95 fishekzjarrë dhe 160 kapsolla me fuqi të lartë shpërthyese.Ø
Nga Drejtoria Vendore e Policisë Vlorë janë sekuestruar 40 kapsolla meØ fuqi të lartë shpërthyese.
Për këto raste materialet në ngarkim të pronarëve të subjekteve i kanë kaluar prokurorive respektive, për veprime të mëtejshme dhe në një rast, pronari i një dyqani është ndëshkuar me masë administrative nga zjarrfikësit.
Policia e Shtetit apelon për të gjithë tregtarët e shumicës dhe pakicës, që të respektojnë kriteret e përcaktuara në Udhëzimin e përbashkët nr. 661 te vitit 2018 te Ministrit te Brendshëm, Ministrit te Mbrojtjes dhe Ministrit te Financave dhe Ekonomisë për të mos tregtuar dhe përdorur kapsollat dhe fishekzjarrët pasi do përballen me ligjin.
Policia e Shtetit fton qytetarët që të denoncojnë në numrin 112 dhe Komisariatin Dixhital çdo rast të shitjes dhe përdorimit të fishekzjarrëve, duke u garantuar reagim të shpejtë, të paanshëm dhe anonimat të sigurt.
Bashkë për një ambient më të sigurt!
