Policia e Shtetit ka vënë në pranga një shtetas të shpallur në kërkim pasi mbi të rëndon një dënim me burg për fshehje të ardhurash.
Sipas njoftimit të policisë, në pranga ka rënë Latif Salja, 61 vjeç, pasi është i dënuar me 2 vjet e 8 muaj burg për fshehje të pasurisë.
Njoftimi i Policisë:
“Nga shërbimet e Komisariatit të Policisë Vau i Dejës, në bazë të informacioneve të marra në rrugë operative u bë kapja dhe ndalimi i shtetasit Latif Salja, 61 vjeç, banues në lagjen “Qemal Stafa”.
Ndalimi i tij u bë, pasi Gjykata e Shkallës së Parë Shkodër, me vendimin nr. 312, datë 18.04.2017, e ka dënuar me 2 vjet e 8 muaj burg, për veprën penale “Fshehja e të ardhurave”.
Materialet iu referuan Prokurorisë së Rrethit Gjyqësor Shkodër, për veprime të mëtejshme.
