Zv.ministri i Brendshëm, Besfort Llamallari i ftuar në emisionin “Dritare me Rudinën” foli rreth denoncimit të bërë nga banorët e Astirit se policia fshihet gjatë kohës që ata protestojnë.
Sipas Llamallarit, ligji përcakton se si kryhet një protestë dhe koha e Lazaratit dhe Dukagjinit ka marrë fund.
“Policia ka të drejtën për mbarëvajtjen e protestës, pavarësisht se është politik. Gazetari tha se policët janë fshehur. Nuk kanë si të fshihen se është detyrim ligjor. Ka ikur koha ku Policia e Shtetit nuk mund të hynte në një zonë, si në Lazarat apo Dukagjin.”
Gjithashtu, ai u shpreh se në vitet kur Lulzim Basha ishte ministër i Brendshëm, “hashashi pësoi bumin më të madh”, ndërsa Policisë së Shtetit i mungonte transparenca.
