Një tjetër aksion ndaj kultivimit të bimëve narkotike është ndërmarrë në Fier. Për monitorimin e zonave të thella e pyjore, Policia e Shtetit ka vënë në përdorim dronët. Gjatë kontrollit të ushtruar në zonën e Cakranit, u konstatua një rast tentative kultivimi.
Policia ka vënë në pranga shtetasin me inicialet F. M., 27-vjeç. Burimet zyrtare njoftojnë se në oborrin e banesës së tij, janë evidentuar 30 fidanë në kubikë, në tentativë për t’i kultivuar në tokë.
Po kështu, Agjentët e Antidrogës dhe shërbime të tjera policore kontrolluan zonën e Pishporos për disa orë, nga toka dhe me dronë inteligjentë. Aty nuk është gjetur asnjë bimë e kultivuar.
Njoftimi
Fier – Vijon kontrolli masiv i territorit për parandalimin e kultivimit të bimëve narkotike.
Policia e Shtetit po përdor dronët për monitorimin e zonave të thella e pyjore.
Gjatë kontrollit të territorit janë angazhuar mbi 100 punonjës policie dhe disa dronë.
Agjentët e Antidrogës dhe shërbime të tjera policore kontrolluan zonën e Pishporos për disa orë, nga toka dhe me dronë inteligjentë dhe nuk u gjet asnjë bimë e kultivuar.
Ndërsa gjatë kontrollit të ushtruar në zonën e Cakranit u konstatua një rast tentative kultivimi. Policia ka vënë në pranga shtetasin F. M., 27 vjeç, pasi në oborrin e banesës së tij janë evidentuar 30 fidanë në kubikë, në tentativë për t’i kultivuar në tokë.
Kontrolli i territorit do të vijojë pa ndërprerë duke kontrolluar çdo cep të territorit dhe në zonat më të largëta, falë përdorimit të flotës së dronëve dhe helikopterëve.
