Blutë e Gjirokastrës kanë konfirmuar viktimën e parë nga zjarret në Shqipëri, ku është djegur i gjallë një 64-vjeçar. Burime zyrtare të policisë raportojnë se Andrea Haxhiaj ka humbur jetën, si pasojë e flakëve të përhapura nga një vatër zjarri në fshatin “Asim Zeneli”. Bashkëshortja e tij rreth 57-vjeçe ka mbetur e dëmtuar nga flakët. Ajo ndodhet në Spitalin Rajonal Gjirokastër.
Njoftimi
Rreth orës 17:00, njoftohemi se në fshatin “Asim Zeneli”, në bahçen në afëri banesës së tij, shtetasi A. H., rreth 64 vjeç, ka humbur jetën, si pasojë e flakëve të përhapura nga një vatër zjarri në fshatin “Asim Zeneli”.
Gjithashtu ka mbetur e dëmtuar nga flakët dhe bashkëshortja e tij, shtetasia T. H., rreth 57 vjeçe, e cila ndodhet në Spitalin Rajonal Gjirokastër.
Në vendngjarje kanë shkuar shërbimet e Policisë dhe zjarrfikëse.
Grupi hetimor nën drejtimin e Prokurorisë Pranë Gjykatës së Rrethit Gjyqësor Gjirokastër ndodhen në vendngjarje dhe vijojnë punën për zbardhjen e rrethanave të ngjarjes.
