Policia belge bën me dije se ka arritur të zbulojë dy plantacione me kanabis gjatë javëve të fundit.
Në vendet e quajtura Meise dhe Tienen nga ku u zbuluan dhe plantacionet e kanabisit gjithashtu u arrestuan dhe dy shtetas shqiptarë identiteti i të cilëve nuk bëhet i ditur nga shtypi belg.
Në Vendin e quajtur Miese nga ku u zbuluan 2 mijë bimë narkotike autoritetet arrestuan njërin prej shqiptarëve gjatë kohës që ky i fundit po përpiqej të shkatërronte stoqet e drogës kur mësoi se policia po shkonte aty.
Ndërkohë, më 31 Janar në Tienen ishte gjetur një tjetër plantacion me 2100 bimë kanabis si dhe 3.5 kg kanabis i korrur. Gjatë atij aksioni të policisë, u arrestuan tre shqiptarë dhe një shtetas belg me origjinë shqiptare. Mediat shkruajnë se të arrestuarit kanë mohuar përfshirjen në veprimtari kriminale. Hetimet e autoriteteve belge janë duke vazhduar për të zbardhur këtë aktivitet të paligjshëm dhe rolin e të arrestuarve.
