Policia ka dhënë njoftim zyrtar lidhur me ngjarjen e ndodhur pak minuta më parë në Kavajë, ku u qëllua drejt zyrës elektorale të Partisë Demokratike, dhe mbeti i plagosur Bledar Okshtuni.
Mësohet se shtetasi i identifikuar me inicialet N.J, ha hyrë në ambientet e brendshme të zyrës elektorale, dhe e ka plagosur 25-vjeçarin në këmbë, pas një konflikti për motive të dobta.
”Sot rreth orës 19:00, në lagjen nr.4, në Kavajë, shtetasi N. J., dyshohet se si pasojë e një konflikti për motive të dobta, ka hyrë në ambientet e brendshme të një zyre elektorale të një subjekti politik dhe ka plagosur me armë zjarri pistoletë në këmbë shtetasin B. O., 27 vjeç, i cili ndodhet në spitalin e Durrësit, nën kujdesin e mjekëve.”, informon policia.
Menjëherë forca të shumta Policie kanë shkuar në vendngjarje dhe vijon krehja e zonës si edhe janë ngritur pika kontrolli në hyrje -dalje të Qytetit për kapjen e autorit.
Grupi hetimor nën drejtimin e Prokurorisë vijon punën për zbardhjen e plotë të rrethanave të ngjarjes.
