Kandiatja për deputete e Partisë Demokratike, Grida Duma ka folur në lidhje me incidentin që ndodhi sot në Kavajë, ku u plagos sekretari i PD-së për këtë qytet brenda zyrës elektorale.
Teksa dënoi ngjarjen e rëndë, Duma denconcoi faktin se 3 nga autorët e dyshuar janë aktivistë të Partisë Socialiste, madje njëri prej tyre është drejtor policie.
Ndër të tjera, Duma u shpreh se Partia Demokratike nuk do ta lërë me kaq këtë çështje.
Grida Duma: “Është në mbrëmje e trishtë për Shqipërinë, për demokracinë. Kjo nuk është më mënyrë më e mirë që duhet të zhvillohen zgjedhjet. Rama e ka humbur drejtimin prej 8 vitesh. Tani që e ka kuptuar humbjen, shkon në dhunë. Ne nuk do ta lëmë në heshtje, këtë ngjarje të rëndë të plagosjes së sekretarit të PD-së për Kavajën.
Jemi në shtabin 4-5 në Kavajë. Incidenti, aksidenti dhe goditja, janë të gjithë me arsye politike. 3 personat e përfshirë në krim, janë të përfshirë me PS. I njohim padiskutim. Nga çasti në çast presim zotin Basha. I plagosuri është një djalë i një familje pishtar i Demokracisë. Tre persona hynë brenda, dhe djali ishte ulur në karrige.
Autorët janë aktivistë të Partisë Socialiste, nëse doni që të jenë çunat e tezes së Ramës. Ata janë Ndriçim Jonuzi. Tjetri është Markel Shtylla, drejtor policie dhe Dorian Troplini. Ç’rëndësi ka nëse ishin me uniformë apo jo. Janë aktivistë të Partisë Socialiste. Erdhën në rrugë, krijuan pretekse sherri, hiq makinën mos e hiq makinën. Kjo është një ngjarje politike krejtësisht.”