Policia Rrugore e Tiranës bën me dije se gjatë 24 orëve të fundit janë pezulluar 35 leje drejtimi.
Gjatë kontrolleve me radar, janë konstatuar shpejtësi deri në 183 km/h në kulmin e trafikut në rrugën interurbane Durrës-Tiranë, në vendin e quajtur mbikalimi i Gërdecit.
Gjithashtu janë proceduar penalisht 9 drejtues motomjetesh, për drejtim mjeti në mënyrë të parregullt si dhe janë vendosur 88 masa për përdorim të celularit gjatë drejtimit të mjetit, 69 për mosvendosje të rripit të sigurimit, 43 për parakalime ë gabuara dhe 18 për mosvendosje të kaskës mbrojtëse.
