Ish-deputetët e Partisë Demokratike që kundërshtuan me dhunë disa efektivë policie në ambientet e drejtorisë së Policisë, dolën në një konferencë për shtyp, ku theksuan se ndryshe nga akuzat, ata kanë qenë të dhunuar.
Ish-deputeti Enkelejd Alibeaj tha se Drejtori i Policisë së Shtetit ka dhunuar kolegun e tij, Gent Strazimirin, ndërsa shton se nëndrejtori i policisë ka çuar dorën edhe tek arma.
“U pengua e drejta jonë për të marrë informacion dhe pse jo për të ndaluar edhe valën e terrorit të shoqërimeve dhe arrestimeve të bëra me 16 shkurt.
Ne shkuam të gjithë se bashku në zyrën e drejtorit të Policisë. Për çudinë tonë dhe jo vetëm tonë Drejtori i Përgjithshëm, nëndrejtori i përgjithshëm, prokurori i çështjes ishin të impenjuar jo me detyrat e tyre, por të mbytur nga avujt e alkoolit. Në zyrat e shtetit u vumë përballë agresionit të disa funksionarëve të lartë të policisë të dehur nga alkooli”, deklaroi Alibeaj.
Ndërkohë, Flamur Noka deklaron se: “Jemi perballe nje tentative te kercenimit politik te opozites nga pushtetit. Ne si deputet ishim ne kryerje te funksioneve kushtetuese dhe ligjore. Nuk ka ndodhur qe policia te godase apo dhunojne deputete ne krye te detyres. Ky eshte rast i paprecedente. Ne videon e shperndare nga policia dhe prokuroria politike, shikohet qarte qe une largoj punonjesin e policise nga agresioni fizik ndaj deputetit Strazimiri. Deputetet jane te paprekshem”.
Gjashtë ish-deputetët e Partisë Demokratike janë proceduar penalisht nga Prokuroria e Tiranës për protestën e 16 shkurtit.
