Një situatë e pazakontë ka ndodhur mes dy burrave dhe policëve në një karburant në Shkozet. Duke iu referuar njoftimit zyrtar, uniformat blu kanë shkuar në vendngjarje pas një telefonate. Ata u njoftuan se në afërsi të një karburanti, po ndodhte një konflikt mes disa personave. Personat që më parë po konfliktoheshin, janë bërë bashkë dhe kanë nisur të dhunojnë policët.
Njoftimi i policisë:
Në sallën operative ka ardhur një telefonatë se në Shkozet, në afërsi të një karburanti po ndodhte një konflikt mes disa personave. Shërbimet e policisë kanë shkuar menjëherë në drejtim të adresës së dhënë, dhe kur kanë mbërritur, dy prej personave të përfshirë në konflikt kanë kundërshtuar me dhunë punonjësit e policisë.
Shërbimet e policisë pas ardhjes në ndihmë edhe të shërbimeve të tjera të Drejtorisë Vendore të Policisë Durrës, kanë bërë të mundur neutralizimin dhe prangosjen e tyre.
Në përfundim të veprimeve u bë arrestimi në flagrancë i shtetasve: M. H., 44 vjeç dhe F. H., 35 vjeç, banues në lagjen Nr. 14, Durrës për veprën penale “Kundërshtimi me dhunë i punonjësve të policisë të rendit publik, kryer në bashkëpunim”. Materialet i kaluan Prokurorisë së Rrethit Gjyqësor Durrës, për veprime të mëtejshme.
