Pas Samitit të Berlinit ka pasur një përplasje mes Haradinajt dhe Ramës, ku kryeministri i Kosovës akuzonte se Rama kishte bërë presion për heqjen e taksës ndaj Serbisë. Për këtë çështje ka folur në “Open” ministri i Jashtëm në detyrë, Gent Cakaj.
“Çfarë ka thënë Rama në sqarimin e tij është 100% e vërtetë. Në Berlin nuk ka pasur kërkesë për heqje të taksës, por pezullim të taksës. Pezullimi është diskutuar në kushte të veçanta. 4-6 muaj të hiqet për t’i dhënë shans fillimit të dialogut. Kjo kërkesë nuk është shtruar zyrtarisht madje. Ishte këmbim informal pikëpamjesh”, deklaroi Cakaj.
“Gjykimi për taksën është bërë në sesionin informal së pari, dhe e dyta bëhej fjalë për pezullim të taksës, jo heqje”, shtoi Cakaj.
