Një sherr i madh është regjistruar në Britaninë e Madhe mbrëmjen e djeshme, teksa protagonistë ishin një grup shqiptar dhe një grup polak.
Ngjarja u shënua në një klub nate në qytetin Oxford rreth orës 2:30 të mëngjesit. Sipas mediave britanike, konflikti nisi pasi një nga grupet hodhi një shishe alkooli në tavolinën e grupit tjetër.
Në lidhje me këtë ngjarje policia arrestoi 3 polakë: Sebastian Mrozinski, 27 vjeç, Kamil Kyrko, 27 vjeç dhe Pawel Krawczyk, 30 vjeç. Ndërkohë një tjetër polak, Patrvk Wolowski, 19 vjeç është shpallur në kërkim.
Kyrko dhe Krawczyk u dënuan me shërbim në komunitet për 18 muaj për 120 orë punë të papaguara. Ata gjithashtu duhet të paguajnë çdo shtesë për viktimat dhe kostot gjyqësore prej 400 £. Mrozinski, i cili kishte një urdhër arresti evropian dhe ka të ngjarë të dëbohet, u burgos për gjashtë javë.
