Në shkollën 9-vjeçare të Alarupit në Pogradec nuk ka pasur kurrë ujë të rrjedhshëm. Ruajtja e higjienës me rikthimin në klasa në kushtet e pandemisë. Atë që nuk e bënë autoritetet e kanë realizuar një grup besimtarësh të cilët financuan hapjen e një pusi që i jep zgjidhje problematikës.
Në oborr po hapet një pus posaçërisht për institucionin arsimor që ka vuajtur këtë problematikë që prej ndërtimit rreth 10 vite më parë.
“Kjo iniciativë ka ardhur duke parë nevojën e shkollës në lidhje me mungesën e ujit. Jemi mobilizuar me disa besimtarë për mbledhjen e fondeve për hapjen e këtij pusi për ujin.”
