Një automjet tip ‘’BMW X6’’ është përfshirë nga flakët gjatë orëve të natës në qytetin e Pogradecit.
Mësohet se makina ka qenë në pronësi të biznesmenit Alfred Cenkollari.
Cenkollari është pronar i disa bizneseve dhe një restoranti në Pogradec, ”Rosa e Tymosur”, i cili ka qenë një ndër vendet më të frekuentuara në qytetin liqenor.
“Më datë 07.10.2020, rreth orës 04:30, në lagjen nr. 3, ka rënë zjarr në mjetin e parkuar tip “BMW X6”, në pronësi të një firme private”, informon policia.
Policia dyshon për një zjarrvënie të qëllinshme.
Grupi hetimor po punon për zbardhjen e rrethanave të ngjarjes dhe përcaktimin e shkaqeve të rënies së zjarrit.
