Si një shenjë për tu solidarizuar me popullin italian, flamuri trikolor është ngritur në shenjë simbolike në Kalanë e Gjirokastrës.
Bashkia Gjirokastër kishte projektuar një flamur të madh të Italisë, si homazh për mbi 10 mijë viktimat nga Covid-19, dhe betejën e cila ende vijon.
Ish-ministrja e Kulturës, Mirela Kumbaro, ka ndarë me ndjekësit e saj videon në fjalë. Bashkëngjitur videos, ajo ka shkruar: “Kushtuar Italise?? sone te dashur qe po vuan me shume se sa ne, nga qyteti im i zemres #Gjirokastra.
Faleminderit Flamur Golemi Bashkia Gjirokaster”.
Europa tashmë është shumë e prekur nga COVID-19. Në Itali kanë humbur jetën deri më tani 10.777 persona.
Shqipëria dërgoi në Itali 30 mjekë dhe infermierë, për të ndihmuar fqinjët që po përballen me një situatë të rëndë, për shkak të koronavirusit. Lajmi mori vëmendje të madhe ndërkombëtare, dhe u vlerësua si një gjest i lartë solidariteti.
