Kryetari i PD, Lulzim Basha, po mban një takim me bizneset prodhuese në Durrës. Ai vuri në dukje se sektori i biznesit, është në luftë për mbijetesë. Po sipas Bashës, Shqipëria po tregohet me gisht si qendra e krimit dhe drogës. Kryedemokrati parashtroi vizionin e PD-së, për të dalë nga kjo gjendje e rënduar. “Ne jemi për taksa më të ulëta, dhe ulje të korrupsionit. Ky është në themel të vizionit tonë”, tha ai.
“Sektori i biznesit në luftë për mbijetesë. Po mbytet nga politikat e gabuara të kësaj qeverie. Kemi klimën më të keqe të biznesit në Europë. Për mua, një biznes i çliruar është vizioni për një biznes të suksesshëm.
Ju duhet një qeveri që nuk ua bën jetën më të vështirë, por më të lehtë.
Ne jemi për taksa më të ulëta, dhe ulje të korrupsionit. Ky është në themel të vizionit tonë.
Po tregohemi me gisht si qendra e krimit dhe drogës. Ne do të punojmë që të tregohemi si qendra e suksesit të ekonomisë dhe biznesit”, tha kreu i PD.
