Një 43-vjeçar është arrestuar nga Policia në Pogradec, pasi u kap duke transportuar me furgon 11 shtetas të huaj në drejtim të Tiranës. Sipas njoftimit të policisë, shtetasi I.P. iu kishte premtuar kalimin e tyre drejt vendeve të BE-së, kundrejt fitimit.
“Nga informacione të siguruara në rrugë policore, si edhe gjatë kontrollit të ushtruar nga shërbimet e Policisë në dalje të qytetit të Pogradecit, shtetasi I.P., u kap duke transportuar me mjetin furgon tip “Benz” 11 shtetas të huaj në drejtim të Tiranës, të cilëve iu kishte premtuar kalimin e tyre drejt vendeve të BE-së, kundrejt fitimit”, thuhet në njoftimin e policisë.
Materialet i kaluan Prokurorisë të Rrethit Gjyqësor Pogradec për veprën penale “Ndihma për kalim të paligjshëm të kufijve”.
