“Po s’ranë çmimet, do bjerë qeveria”, protestuesit në Sheshin “Skënderbej”

Sikundër ishte paralajmëruar, qytetarët janë mbledhur në Sheshin “Skënderbej”, kundër rritjes së çmimeve të produkteve ushqimore, karburanteve dhe energjisë elektrike në vendin tonë.

“Bashkohu në protestë”, “Po nuk ranë çmimet, do bjerë qeveria”, “Nuk paguaj asnjë lekë për krizën tuaj”, ishin disa nga thirrjet e qytetarëve protestues që vinin drejt Sheshit “Skënderbej” me pankarta në duar dhe me megafona.