Një 26-vjeçar nga Tirana ka përfunduar në prangat e policisë, i cili po transportonte 24 shtetas të huaj, me qëllim kalimin e paligjshëm të kufirit kundrejt fitimit.
Ai u kap nga patrulla e Policisë Rrugore dhe shërbimet e Komisariatit të Policisë Pogradec pranë vendit të quajtur “Guri i Kuq”, në fshatin Memëlisht, teksa transportonte në mënyrë të paligjshme me mjetin tip furgon, në drejtim të qytetit të Tiranës, 24 emigrantë.
Sakaq, materialet i kaluan Prokurorisë pranë Gjykatës së Shkallës së Parë Pogradec për veprën penale “Ndihma për kalim të paligjshëm të kufijve”.
