Kreu i PD-së, Lulzim Basha akuzon kryeministrin Edi Rama se gënjen që të mos iu japë qytetarëve lekët.
Përmes një postimi në Twitter, Basha shprehet se refuzimi i Ramës për të paguar punonjësit e fasonerive, ka çuar në infektimin e dy bashkive.
Sipas kryeopozitarit, Rama po rrënon ekonominë shqiptare dhe varfëron cdo ditë e më shumë shqiptarët.
“Asnjë KM tjetër në botë nuk gënjen si Rama që të mos u japë njerëzve lekët. Asnjë KM në botë nuk ka infektuar 2 bashki, sepse refuzon të paguajë punonjëset e fasonerive. Unë kam zgjedhur të jem zëri i të gjithë shqiptarëve të braktisur nga Rama që nuk e kanë marrë ndihmën që u takon. Mashtrimet nuk hahen. Fjalët boshe nuk e ndihmojnë ekonominë. Gënjeshtrat dhe sajesat e shtetit prej kartoni nuk i fshehin dot vjedhjet, mashtrimet dhe dështimet e RAMAVIRUSIT që po rrënon ekonominë dhe po varfëron e shpunëson përditë shqiptarët”, shkruan Basha në postimin e tij.
