Një situatë komike është regjistruar gjatë lidhjeje direkte në një televizionin lokal në California të SHBA-ve.
Gazetarja Melinda Meza ka filmuar aksidentalisht bashkëshortin e saj duke bërë dush, teksa po raportonte live nga shtëpia.
Ajo po jepte disa këshilla se si gratë mund të stilojnë flokët, në kushte karantine. Por ajo çfarë gazetarja nuk kishte llogaritur, ishte reflektimi në pasqyrë i bashkëshortit të saj i cili po bënte një dush.
Melinda nuk ishte në dijeni të kësaj skene gjatë transmetimit, por ka mësuar gjithçka pasi video e saj u bë virale në rrjete sociale.
Situata e krijuar nga koronavirusi ka bërë që shumë gazetarë nga e gjithë bota, të qëndrojnë në izolim dhe të punojnë nga shtëpia.
