Kryeministri Rama nuk i ka shpëtuar vemendjes së opinionit publik lidhur me morinë e përgjimeve, ku janë të implikuar ish-ministra. Në emisionin “Përballë”, ai komentoi përgjimet e publikuara lidhur me shit-blerjen e votës.
Vetëm pak pasi gazeta gjermane ‘Bild’ publikoi të tjera biseda të përgjuara, lidhur me skemën e blerjes së votës në zgjedhjet vendore në Dibër, Rama i konsideroi përgjimet një lojë të rrezikshme.
Ai tha se bisedat e telefonit mund të jenë një bazë për të shkuar te prova, por mund të jenë edhe jashtë kontekstit.
“Është shumë e rrezikshme loja e përgjimeve, mund të kthejnë komplet vemendjen e të vërtetën, duke u nisur nga biseda që dëgjohet në to. Muhabetet e telefonit mund të jenë një bazë për të shkuar te prova, por mund të jenë edhe jashtë kontekstit.
Psh., unë nganjëherë them “Po, po vlla”, kur një gjë nuk…Pra, janë gjëra që duhen futur në rrugën e ligjit, e të diskutohen vetëm në bazë të ligjit”, deklaroi Rama.
