Ish-kryeministri Sali Berisha ka publikuar mesazhin e një qytetari, i cili ka denoncuar situatën me punonjësit e administrativ.
Në mesazhin e dërguar nga qytetari, theksohet se me urdhër të kryeministri Rama, çdo punonjës i administratës është i detyruar të marrë pjesë në fushatat elektorale të Partisë Socialiste.
Sipas denoncuesit, ata që nuk votojnë PS-në në 30 qershor, do të përjashtohen nga puna me 1 korrik.
“Po na bëjnë presion zoti Berisha postojeni këtë mesazh nuk mund të na imponojnë dot bindjet tona Partia Komuniste sot PS më ka arrestuar gjyshin më ka internuar familjen kam mbaruar një shkollë që jam në këtë punë, Edi Rama nuk e mban dot pushtetin me zor me dhunë duke na detyruar të marrim pjesë në një fushatë false”, thuhet në postimin e Berishës.
Statusi i plotë:
Terror mbi administratën për të marrë pjesë në farsë fushatën dhe votuar narkopartinë!
Lexoni mesazhin e punonjësit dixhital. Sb
Përshëndetje zoti Berisha po ju shkruaj nga një adresë false se dua të qëndroj anonim, ka filluar terrori ndaj punonjëseve të administratës me urdhër nga Edi Rama çdo punonjës i administratës është i detyruar të marrë pjesë në një fushatë fallco dhe i detyruar familjarisht të votojë për PS në datë 30 ose përndryshe në datë 1 korrik nuk do jetë më në punë.
Po na bëjnë presion zoti Berisha postojeni këtë mesazh nuk mund të na imponojnë dot bindjet tona partia komuniste sot PS më ka arrestuar gjyshin më ka internuar familjen kam mbaruar një shkollë që jam në këtë punë, Edi Rama nuk e mban dot pushtetin me zor me dhunë duke na detyruar të marrim pjesë në një fushatë false.
