Pas denoncimit të Berishës, vjen një tjetër rast ku Partia Socialiste akuzohet për një skenar të nisur tashmë për blerje votash.
Është ish-ministri Ylli Manjani ai që ka akuzon se punonjësit e OSHEE po mbledhin kartat e identitetit nëpër fshatra, teksa shton se çdo punonjës shteti ka për detyrë të ndjekë e të bindë një numër të caktuar votuesish që të votojnë qeverinë.
“Cilido që jep Kartën e Identitetit apo Pasaportën kuturu, njerëzve që nuk kanë punë me to, duhet të kuptojë se PO SHET VOTËN!”, shkruan ndër të tjera Manjani.
Postimi i plotë:
Kujdes!
————-
Ka shumë njerëz që më shkruajnë në Inbox, ku raportojnë për mësues e punonjës OSHEE që po mbledhin kartat e identitetit nëpër fshatra.
Ky është sistemi i patronazhit elektoral, që Rilindja e mësoi nga modeli i Ergoganit, për kontrollin e votuesve në territor. Çdo punonjës shteti ka detyrë të markojë, ndjekë e bindë një numër të caktuar votuesish të votojnë qeverinë.
Kryetarët e punonjësit e bashkive veçanërisht janë të ngarkuar me këto detyra.
Ky është fillimi i proçesit të blerjes së votave dhe i korrupsionit elektoral.
Cilido që jep Kartën e Identitetit apo Pasaportën kuturu, njerëzve që nuk kanë punë me to, duhet të kuptojë se PO SHET VOTËN!
Po shet DEMOKRACINË!
