Nard Ndoka, kreu i PDK-së ka shpërthyer ndaj ambasadorit të OSBE në Tiranë, Bernd Borchardt. Ndoka i ka bërë thirrje për të reflektuar dhe të mos mbështetë lëvizjen antikushtetuese të Ramës për zgjedhjet e 30 qershorit.
Sipas kreut të PDK-së, ambasadori duhet të ngrihet në lartësinë e detyrë që mbanë dhe të mos injorojë dekretin e Presidentit të Republikës së Shqipërisë, e të bëhet palë me Edi Ramën.
Postimi i Ndokës:
? Z.Ambasador, a të vjen turp?!
? Ambasadori i OSBE-së nuk njeh dhe nuk respekton Dekretin e Presidentit të Republikës së Shqipërisë!
? Ambasadori i OSBE-së nuk bën thirrje për ndërprerjen e punës në KZAZ, pasi zgjedhjet ligjërisht nuk do të mbahen më 30 Qershor.
? Ambasadori bën thirrje për vazhdimin e punës, injoron protestat qytetare, provokon opozitën, fyen Presidentin e Republikës me veprimet dhe deklarimet e tij publike.
? Ambasadori nuk flet, kur mediat ndërkombëtare flasin për krimin elektoral në Shqipëri, përkundrazi gjen momentin dhe i fut ndonjë xhufkë për të tërhequr vëmendjen.
? Ambasadori nuk flet, kur Policia e Shtetit godet qytetarët shqiptarë me gaz helmues, kur ata protestojnë për lirinë e tyre, përkundrazi i bën thirrje qytetarëve që të përmbahen.
? Ambasadori, as nuk skuqet, as nuk zverdhet, as nuk i vjen turp, që institucioni që përfaqëson është bërë palë në aventurën politike të Edi Ramës.
? Zoti Ambasador, përmendu, kthjellohu, reflekto, drejtohu politikës shqiptare, drejtohu Kryeministrit, Liderit të Opozitës, respekto institucionin e Presidentit të Republikës.
Ne akoma kemi besim tek Ju dhe institucioni që ju përfaqësoni në Shqipëri, në OSBE!
Po ju presim!?
