Atëherë kur mendohej se gjithçka po shkonte mirë, Hong Kongu është futur sërish në karantinë.
Qendra për Mbrojtje të Shëndetit (PK) ka publikuar shifrat e fundit të të infektuarve, të cilat i kanë detyruar autoritetet për një bllokim të ri të vendit.
Ditën e sotme në Hong Kong janë regjistruar 32 raste të reja, duke e çuar në 714 numrin total të të prekurve.
Zyrtarët kinezë fajësojnë për qytetarët evropianë dhe amerikano veriorët për ripërhapjen e epidemisë. Sipas autoriteteve, në pak ditë numri i të infektuarve me koronavirus është trefishuar.
Pas gati 3 muaj mbyllje Hong Kongu duhet të përballet sërish me masa kufizuese, për të frenuar koronavirurin. Rrugët që po ktheheshin ngadalë në normalitet boshatisen sërish. Edhe transporti publik i cili u hap para disa ditësh ka filluar të mbyllet sërish.
Në të gjithë Kinën raportohet për më shumë se 5 mijë raste aktive me virusin Covid-19. Ndërkohë numri i përgjithshëm i të prekurve në Kinë ka shkuar në 81,554, ndërsa 3,312 persona kanë humbur jetën.
