Presidenti Ilir Meta ka lëshuar sërish akuza ndaj diplomatëve të huaj, për të cilët thotë se një pjesë e tyre janë treguar të njëanshëm në gjykim. Duke mbështetur vazhdimisht kryeministrin Edi Rama.
Pas vendimit të marrë ditën e sotme ndaj ambasadorit të OSBE-së Bernd Borchadt, kreu i shtetit nuk është treguar i rezervuar as për ambasadorin e BE-së në Shqipëri, Luigi Soreca. Teksa e bën përgjegjës për situatën “kaotike” në Gjykatën Kushtetuese. “Nuk kam nevojë për përkrahjen e Soreca-s”, theksoi Meta në “Open”.
Ndërsa iu bëri thirrje ambasadorëve që të heqin dorë nga lobimet, sepse po dëmtojnë vendin.
“Këta ambasadorë po dëmtojnë Edi Ramën dhe Shqipërinë. Ata i kanë krijuar Ramës idenë se mund të bëjë gjithçka. Një fjalë nuk thanë ambasadorët që duhen zgjedhje lokale gjithëpërfshirëse. Ka patur një lobing të fortë për t’i dhënë të gjithë drejtësinë Edi Ramës”, tha presidenti Meta.
Meta merr vendimin e papritur, shpall “non grata” ambasadorin Borchardt
Meta i vë kufirin Ramës: Përdor ambasadorët për të kapur institucionet
