Nëse keni bërë plane për fundjavën për të shkuar në plazh, mos hezitoni pasi moti do të jetë në favorin tuaj.
Shfrytëzojeni bregdetin, pasi kushtet atmosferike do të jenë favorizuese. Moti i kthjellët e vranësira kalimtare, në pjesën më të madhe të vendit.
Në veri e veriperëndim, në mesditë vranësirat do të marrin karakter zhvillimi duke u pasuar nga reshje shiu të karakterit lokal në intervale të shkurtra kohore.
Era do të jetë nga kuadrati i perëndimit me shpejtësi 1-6m/s, e cila përgjatë vijës bregdetare në jug do të fitojë intensitet deri në 12m/s.
