PD, me anë të deputetit Enkelejd Alibeaj, paralajmëron se sot do të publikohet një tjetër skandal, që ka të bëjë me afera korruptive të qeverisë.
Në një intervistë në studion e “Mbrëmje në ABC News”, Alibeaj tha se do të dalin fakte për implikimin e kryeministrit Edi Rama dhe ministrit të Brendshëm, Fatmir Xhafaj, në aferë për pastrim parash.
Këto fakte u parashtruan edhe më herët nga kreu demokrat, Lulzim Basha, i cili tha se përmes fakteve do të nxjerrë në shesh disa emra të qeverisë.
https://tiranatoday.com/basha-kercenon-nga-durresi-kemi-te-dhena-tronditese-shume-shpejt-do-behen-publike/
Pa dhënë shumë detaje, deputeti demokrat u shpreh më tej se do ketë një dokument me firmën e Ramës, ku është përfshirë ministri Xhafaj, dhe vëllai i kryeministrit, Olsi Rama, duke lënë të kuptohet se bëhet fjalë për pastrim parash, përmes lojërave të fatit.
