Një oficer policie ka vdekur në Spanjë, pasi përplasjet e dhunshme shpërthyen mes tifozëve rivale përpara ndeshjes së vlefshëm për Europa League mes Athletic Bilbaos kundër Spartak Moskës në San Mames, ku takimi filloi në një atmosferë shumë të tensionuar.
Mediat raportojnë se polici kishte marrë goditje në kokë, por ndërroi jetë në spital, pas një arresti kardiak. Gjithashtu raportohet se në spital po trajtohen edhe 4 persona të tjerë, që kanë plagë të ndryshme nga protesta.
Kryeministri spanjoll Mariano Rajoy ka dënuar dhunën e së enjtes.
Zyrtari policor, i cili i identifikuar si Inocencio Alonso Garcia, 51-vjeçar, u rrëzua ndërkohë që ndërhyri në përplasjet në rrugë që përfshinin “ultras” rusë nga Spartak Moska.
Policia e Bilbaos gjithashtu i përcolli ngushëllime familjes së kolegut të tyre “Ngushëllimet tona për kolegun, miqtë dhe të afërmit e Ertzaina që vdiq në shërbim”.
Klubi i La Liga gjithashtu i ka ofruar ngushëllimet e tij oficerit të vdekur. Uefa tha se organi qeverisës i futbollit evropian “dënoi ashpër përleshjet e dhunshme”. TIRANA TODAY
