Dhëndri i ish-kryeministrit Berisha, Jamarbër Malltezi, ka reaguar pas emisionit në “Top Channel” për pronat dhe vilat e politikanëve në Gjirin e Lalzit, ndër to edhe vila e Sali Berishës.
Kreu i Departamentit të Mjedisit në PD, Jamarbër Malltezi, shigjeton drejtorin e “Top Channel”, Ben Blushi, për përfitim të miliona eurove nga tenderi i inceneratorëve për djegien e mbetjeve.
“Paratë e plehrave në xhep të Blushit dhe Topit. 2.2 milionë euro për gruan notere që i ikën licensa? Lëpihu me fort Blush, shprehet Malltezi.
Në kronikën e transmetuar në “Top Channel”, thuhej se në fshatin turistik Lura, banori më i famshëm sezonal aty është ish-kryeministri Sali Berisha. Ai strehohet në një vilë madhështore, i cili në fakt kurrë nuk ka pranuar të jetë pronari.
Po sipas kronikës në fjalë, Berisha për të humbur gjurmët ka deklaruar se vila është e familjes Malltezi, pra e vajzës së tij Argitës, e cila është e martuar me Jamarbër Malltezin. Vetëm për rikonstruksion në një rast Argita ka shpenzuar plot 45 mijë euro, thuhej në “Top Story”.
