Një situatë e tensionuar ka qënë mbrëmjen e djeshme në “Opinion”, ndërsa nuk kanë munguar ngritja e zërit dhe fyerja.
Pjesë e panelit në studio ishin gazetarja Anila Basha, analistët Mark Marku, Lorenc Vangjeli dhe Artan Hoxha, ndërsa kanë diskutuar në lidhje me temën “Meta, Rama, Basha, kartat e fundit”.
Sipas Anila Bashës, në Shqipëri zgjedhjet kanë qenë problematike gjithmonë, por kjo sipas Mark Markut, nuk është arsye që ato të vazhdojnë të jenë problematike. Anila Basha ka thënë më tej se të gjithë ata që vjedhin votat, duhet të dënohen sipas ligjit.
Debati
Mark Marku: Çfarë ke, pse bërtet? Çfarë ke? Pse bërtet?
Anila Basha: Po ju bërtas, sepse nuk të lini të flasësh.
Mark Marku: Kujt po i bërtet? Se unë nuk ju dëgjoj fare.
Anila Basha: Po ngre zërin, se nuk po bërtas.
Mark Marku: Po ngre zërin pra, kujt po i bërtet?
Anila Basha: E pra, nuk është e bërtitme.
Mark Marku: Po çfarë?
Anila Basha: Është e folur me ton.
Mark Marku: Shko bërtiti Ramës që vjedh vota. Lere se je gazetare, nuk je shërbëtore, po lëre tashi. S’je kameriere e Ramës.
Anila Basha: Ata që kanë vjedhur votat, le të dënohen sipas ligjit.
Mark Marku: Kush i dënon, pse nuk hapet procesi?
Anila Basha: Gjykata mo, dhe prokuroria.
Mark Marku: Lërë tani, se s’jeni në rregull.
Anila Basha: Po jo, se nuk flitet kështu.
