Në çdo puntatë të emisionit “Përputhen” nuk mungojnë debatet e forta, ngacmimet e sherret. Gjatë emisionit, po kështu nuk kanë munguar edhe ndëshkimet për personazhet, për të cilat komentohen gjerësisht në rrjetet sociale.
Dje në puntatën e radhës të “Përputhen”, u komentua zënka mes Fatjonit dhe Beartit. Opinionisti Arjan Konomi, tha se ishte i pranishëm vetëm në momentet e fundit që djemtë po sqaroheshin mes tyre.
Arjani u shpreh se në debat pa “dy gjela që po ziheshin për një pulë, që nuk e di se kush ishte”. Kaq mjaftoi që të shpërthente Ana, e cila u ndje e fyer nga ky etiketim. Ana tha se ky është një krahasim i shëmtuar, dhe se i vjen turp që është pjesë e këtij emisioni.
Arjan Konomi: Unë pash dy gjela, duke u zënë për një pulë që nuk e di se kush ishte.
Ana: Kush ishte pula?
Arjan Konomi: Ti e more për vete?
Ana: Po ma sqaro pak?
Arjan Konomi: Çfarë do të thotë, unë mund të them dhe dhelpra me rrushin, por ti nuk je dhelpra.
Ana: Përdor disa metafora të shëmtuara, më vjen turp që jam ulur këtu dhe nuk tregohesh i sinqertë, turp, turp, turp!
Arjan Konomi: Ishin dy gjela që e mbanin kokën përpjetë, si e mbanin gjelat.
Ana: Unë nuk jam pulë por njeri, krahasim i shëmtuar. Këto lloj metaforash të shëmtuara po përdoren.
