Teksa artistët kanë tentuar të çajnë kordonin policor dhe të hyjnë brenda godinës, ata janë përplasur me efektivët. Në ndihmë të artistëve dhe qytetarëve iu kanë ardhur ish-deputeti Gert Bogdani dhe ish-deputetja Albana Vokshi.
Po kështu, në mbështetje të artistëve i është bashkuar edhe kreu demokrat Basha. Ai tha se mbështetja nga ana e opozitës nuk do të mungojë, ndërsa e cilësoi si një skemë mafioze për të pasuruar Ramën.
“Betejën po e bëjnë artistët dhe Aleanca për Teatrin, ne jemi në mbështetje të tyre dhe do të jemi në mbështetje me të gjitha format dhe mjetet. Çdo përpjekje për të hapur gropën e Teatrit, të kthehet në gropën e Ramës.
Opozita ka qenë dhe do të jetë këtu siç po e shikoni, çështja është që para çdo shqiptari po duket qartë se nuk kemi qeveri, por një bandë dhe duhet të kuptojnë se kjo që po ndodh këtu, mund të ndodhë në çdo shtëpi”, tha Basha.
