Leonidha Lepi, 45-vjeç, ka rënë në prangat e policisë, pasi ka plagosur mbrëmjen e djeshme me thikë dy persona. Mësohet se ky shtetas, pas një sherri ka plagosur me thikë shtetasit P. S., 62-vjeç dhe F. M., 46-vjeç, ky i fundit në gjendje të rëndë.
Burimet zyrtare të policisë sqarojnë se gjatë një konflikti për motive të dobëta, në rrugën e fshatit, Leonidha Lepi, 45-vjeç, ka goditur me thikë shtetasin P.S., 62-vjeç, i cili ndodhet në Spitalin e Korçës jashtë rrezikut për jetën dhe shtetasin F. M., 46-vjeç, banues në fshatin Orman-Pojan, Maliq, i cili ndodhet në gjendje të rëndë për jetën.
“Specialistët për Hetimin e Krimeve në Komisariatin e Policisë Maliq, bënë arrestimin në flagrancë të shtetasit L. L., 45 vjeç, banues në fshatin Orman-Pojan, Maliq. Shtetasi i mësipërm, mbrëmjen e djeshme, gjatë një konflikti për motive të dobëta në rrugën e fshatit, dyshohet se ka dëmtuar me mjet prerës (thikë) shtetasin P. S., 62 vjeç, i cili ndodhet në Spitalin e Korçës jashtë rrezikut për jetën dhe shtetasin F. M., 46 vjeç, banues në fshatin Orman-Pojan, Maliq, i cili ndodhet në gjendje të rëndë për jetën. Materialet i kaluan Prokurorisë pranë Gjykatës së Shkallës së Parë Korçë për veprën penale “Plagosja e rëndë me dashje”, njofton policia.
