Në një debat televiziv, në televizionin grek, çështja e paktit detar me Shqipërinë trajtohet si një marrëveshje e re në dëm të Greqisë, që do të mbyllë përfundimisht problemet me Shqipërinë.
Marrëveshja me Shqipërinë me shumë se ndarjen e ZEE (Zonave Ekskluzive Ekonomike) me Shqipërinë, mund te përbejë një ligj-shembull edhe për pikën me të diskutueshme mes Greqisë dhe Turqisë, që është Kastelorizo (një ishull në Egje shumë pranë bregut turk, me nëntokë shumë të pasur rreth saj.)
“Në hartat që tregohen në ekran janë marrëveshja e 2009-s dhe si do transformohet ajo me marrëveshjen e re, ku me e rëndësishmja që citon specialist, është se “metoda e vijës se mesit e përdorur ne 2009, ishte shumë e favorshme për Greqinë, se 3 ishujt merrnin sipërfaqen e tyre të ujit”-shkruan Tema.
Ndërsa ajo që diskutohet me marrëveshjen e re i heq rreth 350 km katror sipërfaqe sipër ishujve. Gazetari thotë se Turqia ndërhyri dhe ngriti zërat nacionaliste ne maksimum ne 2009 ne Shqipëri, dhe detyroi Gjykatën Kushtetuese ta hedhë poshtë atë marrëveshje.
Kjo u vulos kur në pushtet erdhi Edi Rama, qe e beri nul dhe deklaroi se “flasim për një zonë të diskutueshme ku ka rezerva gazi dhe nafte”. Gazetari thotë se Ministria e Jashtme greke e mohon një gjë të tillë (d.m.th qe ishujt nuk marrin det), por thotë se do përdoren disa metoda për ndarjen e detit me Shqipërinë
Gjithashtu, edhe në vendimin e Ilir Metës, ata shohin përsëri ndërhyrjen turke.
Ndërsa profesori i Marrëdhënieve Ndërkombëtare, Dhimitris Keridhis, thotë se Greqia ka probleme te mëdha me ZEE, sepse ajo që grekët nuk dine, “është se kemi 5 herë me shumë sipërfaqe deti sesa toke, dhe marrëveshja me Shqipërinë është e para qe mund te mbyllim përsa i përket ZEE”.
Gjithashtu profesori thotë se do ishte një humbje e madhe për Greqinë, nëse ishujt nuk marrin detin qe i takon.
“Me sa kam informata unë, ne kemi bërë shumë tërheqje karshi Shqipërisë, si p.sh a do te jete i hapur apo i mbyllur gjiri i Sarandës, dhe është vendosur te jetë i mbyllur, që do te thotë qe edhe aty Shqipëria fiton mjaft km sipërfaqe deti”-thotë ai.
Profesori thotë ne fund “se nëse ne do kërkojmë me këmbëngulje det për 3 ishujt, atëherë është e sigurte qe Shqipëria do tërhiqet nga marrëveshja”
