Policia ka identifikuar autorin e plagosjes së ndodhur disa minuta më parë në qytetin e Shkodrës dhe është vënë në kërkim të tij.
Si pasojë e një konflikti të çastit në zonën e quajtur Prek Cali, ka mbetur i plagosur me armë zjarri shtetasi Tonin Larushku, 38 vjeç, nga fshati Toplanë. Aktualisht ai ndodhet në spital për ndihmë mjekësore.
Falë veprimeve të shpejta profesionale të shërbimeve të DVP dhe të Komisariatit të Policisë Shkodër, është bërë i mundur identifikimi i autorit të dyshuar, shtetasi Luverdo Kola, 29 vjeç, banues në Shkodër.
Shërbimet e Policisë në bashkëpunim me FNSH kanë rrethuar zonën dhe vijon operacioni për kapjen e autorit.
